Досие студентски протести: Две подзаборавени фотографии од еден февруари

Време: февруари 1997-ма
Место: негде на скопските улици

На фотографија, од лево кон десно, позади знамето, полни со идеали дека нешто можат да сменат во државата стојат: Стојко Стојков (актуелен лидер на ОМО Илинден - Пирин), Кибицер и Радиш

Никој од Нас, кои тие февруарски денови стоевме сплотени позади знамето, не ги предаде своите идеали за пратенички, а уште помалку конзулски фотељи. И на никој од нас не му паѓа на памет да се жали дека е жртва на системот. Можеби жртви на своите идеали и младалачка наивност.

Само што почнавме да го осознаваме светот. Бевме полни со желба да го направиме подобро место за живеење.

Е мој директоре...
Дали се сеќаваш на она апсолвентче по Филозофија, со кого го делевме последното парче банана и кој пред кордонот од полиција го извади Орвел како аргумент и оружје. Очигледно ти Орвела го имаш погрешно разбрано. Честа и совеста немаат цена. Исто како и љубовта. Веруј.

имам особена чест и задоволство
да најавам дека
во наредните денови
на мојов блог, меѓу другото,
ексклузивно ќе го објавам размислувањето
на еден современик и директен учесник
на настаните ‘97-мата кој сега работи
во Данскиот Институт за Меѓународни Работи и Политика.
Неговите размисли ќе ги објавам во две продолженија.

*Дали зад студентските протестите 97-мата стоеле странски разузнувачки служби?
*Дали американските служби имале целосен увид и контрола во организацијата на протестите?
*Која е наградата за таквата соработка?