Салвадор Дали: „Фигура на прозорец“

Салвадор Дали (1904 – 1989) е еден од највлијателните сликари на XX век. Под силно влијание на психоананалитиката на Фројд и париските суреалисти, неговото творештво важи за едно од најрепрезентативните во XX век. Неговата „муза“ била Гала – жена која имала пресудна улога во неговиот живот и творештво.

Во следните неколку четвртоци имам намера да постирам некои од неговите најпрепознатливи дела.

Прво е делото насловено како „Фигура на прозорецот“; насликано во 1925 година. Познавачите на творештвото на Дали претпоставуваат дека девојката потпрена на прозорецот е неговата сестра Ана - Марија.

„Фигура на прозорецот“ е едно од моите омилени дела на Салвадор Дали и затоа решив со него да ја започнам предвиденава серија постови.