сабота, јануари 06, 2007

За одредувањето на точниот датум на Рождеството Христово

Првиот сериозен обид да се даде одговор на прашањето за точното датирање на раѓањето на Исус Христос бил направен во 525 год. од страна на римскиот опат Дионисие Мали. Тој, по барање на римскиот папа Јован I (523-526), пресметал дека Исус Христос се родил на 25-ти декември 753 год. според Ab Urbe Condita.

Денес, во современата науката, се уште се води полемика зошто токму 25-ти декември бил земен како датум на раѓањето на Исус Христос. Некои автори, празникот, Рожденство Христово-Божик, го поврзуваат со паганскиот римски религиозен празник Сатурналии (во чест на богот на посевите Сатурн) кој се славел во периодот меѓу 17-ти и 23-ти декември.

Што се однесува до точното датирање на годината на христовото раѓање, речиси и да не постои сериозен научник кој не се сомнева во пресметките на Дионисие Мали. Имено, евангелијата според Матеј и Лука (Матеј 2, 1; Лука 1, 5) соопштуваат дека Исус Христос се родил за време на последните години од владеењето на Ирод Велики, кој, пак, умрел во 4 г. пред Ис. Хр. - датум потврден врз основа на повеќе веродостојни извори. Од ова произлегува дека Исус морало да биде роден околу 4 г. од старата ера.

Последните пресметки базирани на историските податоци, библиските текстови и астрономијата, раѓањето на Исус Христос го датираат меѓу 7 и 4 г. од старата ера.

ХРИСТОС СЕ РОДИ – НАВИСТИНА СЕ РОДИ

5 коментари:

volan рече...

Благодарност и за овој пост - мајсторе ...

Кибицер рече...

задоволството е обострано:))))))

поздрав.

trilobite рече...

И уште пред Дионисиј имало тврдења за тој датум на раѓањето:Хиполит,Кирил Александриски...да надополнам само:)добар пост

iacovibus рече...

Καλά Χριστούγεννα!

ribaro рече...

Промената од блогерај на блогспот е за некого благослов гледам, а за мене задоволство.Фала ти мајсторе! :)