За барање фискална се оди у апс

Почнувајќи од 9-ти овој месец, на сила стапија измените во Законот за регистрирање на готовински плаќања, со кои се регулира правото на граѓанинот доколу не му биде издадена фискална сметка да не плати за услугата односно производот. Новата законска одредба гласи : „Ако на купувачот на доброто, односно на корисникот на услугата во моментот на предавањето и плаќањето на доброто, односно на извршувањето и плаќањето на доброто, односно на извршувањето и плаќањето на услугата не му се издаде фискална сметка, нема обврска да ја плати цената на доброто односно цената на услугата".

Но, Дали е така? Дали законот навистина се почитува?

Вчера, при обид да ги испочитува одредбите од горенаведениот закон, администраторот на Блогот за психолошки работи беше приведен во полициската станица Ново Лисиче. Имено, автобуската контрола на ЈСП, во автобусот бр.5, не само што одбила да му издаде фискална сметка за купениот билет, туку повикала и асистенција од полиција. Притоа, локалниот позорникар, без претходно да се легитимира, што е негова законска обврска според одредбите на новиот Закон за полиција, на безмалку „каубојски начин“ го привел Никола во ПС Ново Лисиче. Наместо да ги спроведува законите, Полицијата свесно ги крши.