епископите од Македонија во IV век

Почетоците на христијанството во Македонија се тесно поврзани со мисионерските патувања на апостолот Павле кој на три пати ја посетил Македонија. Неговите посети во Македонија се датираат во 50-те години на I век кога всушност биле формирани првите христијански општини во македонските градови Филипи, Солун, Бероја (Верија), а подоцна во II век најверојатно и во Амфипол,Стоби, Хераклеја Линкестис, Лихнидос, Баргала, Скупи и др. Сепак поконкретните податоци во наративните извори за црковната организација во Македонија се датираат од IV век, или поточно по 313 г. кога христијанството било признаено за рамноправна религија во Римската Империја.
Во продолжение следи табеларен список на сите епископи од Македонија во IV век и контекстот во кој истите се спомнати во изворите.

епископија	име на епископот	Во кој контекст се спомнуваат во изворите
Солун	Александар	Првиот вселенски собор во Никеја во 325 г.; осветување на црквата во Ерусалим во 335 г..
	Аециј	Соборот во Седика во 343 г.
	Ахолиј	Вториот вселенски собор во Константинопол во381 г.; Во двете писма на папата Дамас I; Синодот во Рим во 382 г..
Бероја(Верија)	Гераникус	Соборот во Сердика во 343г.
Стоби	Будиус	Првиот вселенски собор во Никеја во 325 г.
	Евстатиј	Епиграфски натпис, IV век
	Филип	Епиграфски натпис во епископската базилика, IV – V век
Хераклеја Линкестис	Евгариус	Соборот во Сердика во 343г..
Лихнидос	Сосимус	Соборот во Сердика во 343г.
Баргала	Хермија	Епиграфски натпис на влезот од епископската базилика, IV век
Диоклетианополис	Басус	Соборот во Сердика во 343г
Филипи	Порфириус	Соборот во Сердика во 343г
Дион	Паладиус	Соборот во Сердика во 343г
Партикопол	Јонас	Соборот во Сердика во 343г
Скупи	Дакос	Првиот вселенски собор во Никеја во 325 г.
	Парегориус	Соборот во Сердика во 343г.