Srekna Nova Godina

На сите оние што се обидуваат да се занимаваат со наука, но и на оние кои едноставно ги интересира историјата, им ја честитам новата 2006 т.е. 7015 година - според византиската ера :))))), - со една мисла на Андреј Митровиќ.

,,Во општествата каде што нема демократија, или каде што демократијата е на ниско ниво, историчарите се делат на политички прифатливи и неприфатливи. Ова произлегува од очекувањата, историчарите, според природата на својот занает да застапуваат и бранат определена политика.

Во општества заслепени со политика буквално сё се прогласува за политика и на сите им се наметнува една определена политичка идеологија. Во ваквите општества прва жртва се историчарите и нивната објективност. Во општествата со недостаток на демократија, политичкиот фактор се обидува да ја стави историјата во функција на својата идеологија.

За жал секогаш има историчари кои ги прифаќаат овие барањата на политиката. Тие целосно се ангажираат во функција на актуелната политика при што во своите квази истражувања се водат од емоциите и пристрасностите. Се работи за т.н. ангажирани историчари.”

Андреј Митровиќ

Секоја сличност со нашето општество и некои наши историчари е случајна. Искрено се надевам дека во новата 2006 година работите ќе тргнат на подобро. Надежта последна умира.